بعد غياب عن البلوج الكام يوم اللي فاتو والغياب ده طبعا ليه اسباب واسباب قهرية
بس للاسف مش فاكرها دلوقت.
المهم ادينا رجعنا .وهنكمل حكاياتنا وفضايحنا
وهنبدأ ونقول....
يجعلها بيضه عـ الكريم .. سوده عـ اللئيم ..منيلة بستين نيله عـ اللي ينكد عـ الحريم.
بقا ياخوانا قبل ما اجي السعوديه كنت شغال مشرف ميداني في الجمعية النسائية لتحسين الصحة بسوهاج
وفي يوم جه عم جابر الفراش وقالنا يوم الخميس فرح ابنه جعفر وعزمنا .
طبعا انا كان لازم اروح عشان محدش يقول عليا عنصري وطبقي وامبريالي..يعني ايه امبريالي دي ؟
مش مهم معناها ..مش طالبة مناقشات بيزنطية ..الله يعني ايه بيزنطية دي كمان ؟
الواحد بقي يكتب كلام مش فاهمه زي الناس الليبرالية.
لالالالالالالالالالالا الواحد مش هيخلص في ام اليوم ده..ايه ليبرالية دي ؟
المهم خلينا في موضوعنا
عم جابر الفراش ده يبقي السوسة بتاع مدير الجمعية
ماشاء الله عليه شغال طول النهار خوازيق ومهاميز ..
المشرف الفلاني وصل انهاردة متاخر والسكرتيرة الفلانية
سايبه مكتبها وقاعدة عن المحاسب الفلاني وهكذا
يقعدله في عينه وعافيته قادر يا كريم.
اشوفه والع بجاز وسخ ان شاء الله .
بس هنعمل ايه لازم نروح ..ان كان لك عند الكلب حاجة
سألته...
ها يا سيدي الفرح هيبقي فين ؟
قالي: عند البيت في حي الشهيد عبد المنعم رياض .
المدير قالنا لازم كلنا نروح..يعني كده الفرح بقي تكليف رسمي واللي ميروحش ينسى الحوافز الشهر ده.
صبرنا يا رب
وجه يوم الخميس اتجمعنا مع بعض واتحركنا
بلاد تشيلنا وبلاد تحطنا لغاية موصلنا في غز المعمه..
هاني :ايه الخرتيت اللي بيدئلج علي السرح ده ؟
معزوم : دي طاهرة الرقاصة .
هاني : ومين ابن الكدابة اللي سماها كده ؟
شويتين وطلع واد بمطوة علي المسرح .. انا فرحت قولت هيقتلها ونتاويها ونخلص ..اتاريه ابن العبيطة طالع يرقص معاها .
هاني : ارجع يا مجنون عتفعصك زي الصرصار دي واكلة منك تلاتة بيلعبوا في بطنها اهم .
المدير : شايفين الفولكلور هي دي الافراح بصحيح .
هاني : يا طاهرة انزلي ..كده خطر علي اللي في بطنك وعلينا .
الفرح كان مليان بيرة وخيار وترمس وجرجير لزوم المزة
وسجاير متزبطة وشيايش بتكركر...الله يخرب بيته اللي كان السبب اني جيت هنا .
عم جابر كان شارب طينه ومبسوط حبتين ولمحني وانا بحدف الرعاشة اقصد الرقاصة بالطوب مع العيال(كنت بعبر عن رأيي)قال يعتي الطوب حوق فيها .
جابر : دفعولك كام ياد عشان تبوظ فرح ابني ..مين اللي مسلطك ؟
واحد صاحبه حب يخدم قالي .....
الواد ده من طرف كلظه بتاع ابو شجرة ..
بس هو قال كده من هنا و............
وانتو اتخيلوا الباقي بئه
اااااااااه يا ضهري ...
اس البلاوي المدير ربنا ينور بيته بحريقه ,واحنا خارجين من الفرح واصحابي شايليني بيقول تفتكروا ايه احسن حاجة في الفرح
رديت انا ..الرقاصة طبعا.
وكفاية كده واشوفكم بعد ما افك الجبس.
روعة يا استاذ يا عسل
ردحذفبصراحة كفاية كده
ردحذفانت كنت هتموت يابني
إيه ياهانى ده
ردحذفكفاية عليك كدة أفراح ...ههههههههههههههه
انت لسه صاحى ....المفروض تكون فى خبر كان هههههههه
يالا كل سنة وانت طيب ...فين هدية عيد الام يا بخيل
ههههههههههه
لك كل تحية ...ماما فوفو وجدى
الله يحرئ جابر على ابوشجره على المدير على جعفر
ردحذفعليك ياهانى علكل كليلله ههههههههههههههههه
أل طاهره أل ههههههههههههههههه
ارحمنا يابنى بقى
لا تعليق ههههههههههههههههههههههههههههههههههههههههههههههههههههههههههههههههههههههههههههههههههههههههههه
ردحذفيا عمدة يا غالي
ردحذفهنعمل ايه بس
الواحد كان رايح مجبر بس ربنا ستر
ماما فوفو
ردحذفاموت ايه بس
انتي متعرفينيش
انا احسن واحد يفضل صامد لاخر بونيه
تحياتي
شاهي
ردحذفمالها طاهرة مش عاجباكي
طيب ده انتي لو شوفتيها
وهي بتدألج علي المسرح
يا سلااااااااااااام
هبل طبيعي
اقولك ايه بس
امنا الغوله بترقص
ربنا يوفقها وياخدها
قادر يا كريم
اما انتي بئه يا غير معروف
ردحذفانا عارف انك
صديقتي الغالية
اخت محمود
شرفتي المونه بمرورك العطر
وصباح الاشباح يا معلم
هههههههههههههه
هههههههههههههههههههههههههههههههههههههههههههه
ردحذفاحمد ربنا ان الرعاشة قصدي الرقاصة مأكلتكش
يالا ايكش تولع يارب هى والرجالة الى اكلتهم على اللى سماها طاهرة