قال رسول الله صلي الله عليه وسلم
مثل المسلمين في توادهم وتراحمهم كالجسد الواحد إذا اشتكي منه عضو تداعى له سائر الجسد بالسهر والحمى.
صدق رسول الله صلي الله عليه وسلم
الموضوع ايه بئه...
الموضوع يا اخوانا اني دخلت منتدي اسمه ((منتدي لكِِ))
ولو حد سألني انا دخلت هناك ليه ؟
هقوله وانت مالك يا اخي الرجل تدب مطرح متحب.
المهم انا شوفت هناك موضوع مهم جدا وكان لازم انقل الموضوع هنا علشان نستفيد منه
لاني حسيت من مناقشة الاعضاء فيه ان المشكلة دي لو استمرت بدون حل احتمال الجنس البشري ينقرض
,طبعا انا مش هكتب حاجة في الموضوع ده,انا بس هعمل كوبي للموضوع المطروح للمناقشه وردود الاعضاء..
متهيألي انا زودتها شويه في المقدمه لكن ده كان لازم عشان امارس عادتي في التغليس عليكم.
وعلي طريقة ابراهيم نصر بتاع الكاميرا الخفية
((متيجوا نشوف))
دي اخت عضوة في المنتدى شافت اللي بيحصل في فلسطين والعراق ومصر وسوريا ولبنان و.........
فكتبت الاستغاثة دي...
ألحقونا الناموس أكلنا وجننا
----------------------------------------------------
هاي يا بنات ازيكم ((اه نسيت اقولكم انه منتدي حريمي )) احنا عندنا مشكله ختشييييييييييييييرة جدااا في البيت ((يا ساتر يا رب))وهي وجود الناموس بشكل فظيع لدرجه اننا مش بنعرف ننام والكلام ده محصلش غير اليومين دول يعني بقاله حولي اسبوعين واحنا خلاص هنتجنن مش عارفين ننام ولا عارف نعمل اي حاجه
((يا كبدي))اشترينا مبيدات ومفيش فايده ولا صاعق الناموس مقصر ((واخدين بالكم من مقصر دي))فيه وحتي الشبابيك والبلكونات قفلناها وبقينا عايشين في سجن
ورغم كده الناموس مالي البيت محناش عارفين بيدخل منين
((حد يناولني منديل انا هبربر من العياط))
اختي بتقول يمكن بيدخل من باب الشقه طيب ماهو مش معقول منفتحش باب الشقه كمان .
((حتي لوقفلتي باب الشقه ده ناموس غلوس بسنان ودروس اكيد عامل نسخة من المفتاح))
انا قلت ان مليش غير اخواتي في منتدي اكيد مش هيبخلوا علي بالنصيحه يا ريت يا بنات اللي عندها اي وصفه او نصيحه تقولهالي وانا والله هادعيلها ان ربنا يكرمها ويسعدها ويجمعها في الجنه مع أحبابها
((هتدخل الجنه عشان الناموس,عليا النعمة انتوا بنات رايقه ))
بليييييييييييز متنسونيش يا بنات وردوا علي ضروووووووووووووووووووووووووووووووووووووووووووووووو ووووووووووووووووري
=================================
ده كان عرض بسيط للمشكلة الخطيييييييييييييييييرة التي تعاني منها امتنا العربية في صراعها العربي الناموسي .
وندخل بئه علي اراء واقتراحات الاعضاء حول طرق حل هذه المشكلة وتفعيل سبل السلام في المنطقة..
=================================
-العضوة رقم واحد:
حاطة صورة دبدوب متعلق في ورده وعمال يطلع وينزل زي اليويو مش عارف ليه
هي اكيد ليها علاقة بالموضوع بس انا مش عارفها او يمكن الدبدوب المسكين بيتنطط من قرص الناموس.
المهم ده ردها ....
والله قلبى معاكى فعلا الناموس مشكله كبيره
لابد من ايجاد حلُُُُُ ُُ لها..بصى يباع الان مضرب صاعق للناموس
جربيه.....
((شوفوا تركيبة الجملة تدل علي ان الاخت دارسة لغة عربية بس كلمة بصي دي مش عارف جت منين هنا ))
===================================
-العضوة رقم اتنين:
الناموس مشكله المشلكه
((رغم اني من اكتر الناس اللي بتغلط في الكتابة خصوصا اثناء الشات مع اصدقائي _لكن كلمة المشلكه اللي الاخت دي كاتباها مش لاقيلها اي معنى-))
شوفي مواضيع الخاصه بالتنظيف والحشرات اللي في المنتدي
((معقول كده برضه تقول الحشرات اللي في المنتدي والله عيب ))
وان شاء الله تلاقي حل
================================
طبعا اختنا صاحبة الناموس اقصد صاحبة الموضوع دي طبعا صاحبة الليلة ولازم ترد علي الناس اللي تعبوا نفسهم معاها
فكتبت الكلام ده..
ميرسي يا ريماز علي ردك ويا رب يكرمك ويجعله في ميزان حساناتك
((والله ميزان الحسنات ده مظلوم معانا))
بس احنا جربنا الصاعق نفسه اللي بيتحط في لكهرباء ويجذب الناموس ويقتله لكن مفيش فايده لا جذب الناموس ولا قتله والمبيدات مقصرتش ((تاني مقصرتش أكيد هي تقصد مقصرتش عمر الناموس))فيه حتي ماما امبارح جابت اقراص كيتو وهي عباره عن جهاز يتحطله اقراص والمفروض انه يبعد الناموس لكنه مأثرش ((كده صح مأثرش ياختي بطة))والله احنا خلاص مش عارفين ننام ولا عارفين نتحرك في بيتنا
وحسين ((مين حسين ده؟)) وكأن الناموس احتل البيت واننا بقينا ضيوف ده احنا طول اليل بنحاول نحاربه ومفيش فايده والمصيبه ان اختي عندها امتحانات ويا عبني مبتعرفش تنام وبتصحي ميته من التعب ومش عارفه تركز في المذاكره يا ريت تلاقونا حل يا بنات
((يا اخوانا شوفوا حل بسرعه البت مستقبلها هيضيع))
=================================
-العضوةرقم تلاته:
كتبت تقول...
بصى حبيبتى انا بعانى من نفس المشكله
بس انا اتعلمت ايه قبل ما نيجى ننام بشويه ويكون خلاص لا حد داخل ولا خارج وحنقفل الشبابيك بجيب قرص او اتنين على حسب الناموس ((طبعا لازم يكون العشا علي حسب عدد المعازيم))
وبحرق القرص ده فى كل غرفه نص قرص بس
((بس يا ترى نص القرص ده يتحرق بعد الاكل ولا قبله))
تقفل كل غرفه عشان الناموس مش يهرب من هنا يدخل هنا وخلاص بس مش تحرقيه يعنى يبقى عامل زى عود البخور يتحرق بالراحه ((يا لئييييييييييييييييمه))
ويارب اكون افادتك
==================================
جت اختنا صاحبة الموضوع ردت عليها وقالت......
هاي حبيبه امها
ميرسي كتيييييييييييير علي ردك ربنا يكرمك يا رب ويجعله في ميزان حسناتك ((تااااااني))بس معلش انا عندي سؤال انتي تقصدي ايه بالاقراص؟
يعني اقراص ريد وكيتو وايزالو مش كده؟
((امال يعني تقصد اقراص الجِِِلة واللي مش عارف معنى كلمة جِلة يسألني عنها))
وتقصدي اني احرق ازاي زي البخور يعني بالجهاز بتاعهم ولا بأيه؟ معلش اسئلتي كتيره بس اصل احنا بجد بنعاااااااااااااااااااااني من الناموس وخلاص هنتجنن
((شوفوا المأساة وصلت لفين بنعااااااااااااااااااااااني))
===================================
جت اختنا حبيبة امها
ربنا يخليها لامها ردت عليها وقالت.....
اهلا انجيل
بصى حبيبتى الاقراص اللى هى كيتو وريد ايوه
وتحرقيهم ازاى انت عارفه السيجاره ((هنحشش بئه))بتبقى يبقى زيها يعنى شايط من غير نار يعنى ولعى فيه بالكبريت وبعدين اطفيه بس يبقى طالع منه شياط زى عود البخور
يارب اكون قدرت افهمك ((يا رب يا ختي يا رب))
ابقى اقوليلى
((طبعا"قصدها وابقي قابليني))
===================================
-العضوةا الرابعة:
ودي شكلها رومانسية وحالمة زينا كده كتبت وقالت.....
عزيزتي
جربي استعمال نبتة الحبق (تشبه النعناع) ضعي في كل نافذة اصيصا.
فهذه النبتة تطرد الناموس.
((بس والله فكرة حلوة عشان الناموس لوبطنه وجعاه ولا حاجة))
================================
-العضوة الخامسة:
صحيح زي ما قالت بنت الهضاب
سمعت مره انك اذا وضعت صحن فيه نعناع في الغرفه يذهب الناموس لانه يكره ريحته ((طبعا"هي تقصد ان الناموس بيكره ريحة الصحن))جربي حطي صحن فيه نعناع بالذات المديني او الحبق جنب السرير ريحته حلوه بالنسبه لك بس للناموس لا
*********************************************************
وكفاية كده انا مش قادر اكمل كتابة في الموضوع ده لان فيه شويه ناموس في الاوضة قارفين اهلي من الصبح ولازم اطفي النور خليهم يهمدوا شويه.
فوتكوا بعافية
مثل المسلمين في توادهم وتراحمهم كالجسد الواحد إذا اشتكي منه عضو تداعى له سائر الجسد بالسهر والحمى.
صدق رسول الله صلي الله عليه وسلم
الموضوع ايه بئه...
الموضوع يا اخوانا اني دخلت منتدي اسمه ((منتدي لكِِ))
ولو حد سألني انا دخلت هناك ليه ؟
هقوله وانت مالك يا اخي الرجل تدب مطرح متحب.
المهم انا شوفت هناك موضوع مهم جدا وكان لازم انقل الموضوع هنا علشان نستفيد منه
لاني حسيت من مناقشة الاعضاء فيه ان المشكلة دي لو استمرت بدون حل احتمال الجنس البشري ينقرض
,طبعا انا مش هكتب حاجة في الموضوع ده,انا بس هعمل كوبي للموضوع المطروح للمناقشه وردود الاعضاء..
متهيألي انا زودتها شويه في المقدمه لكن ده كان لازم عشان امارس عادتي في التغليس عليكم.
وعلي طريقة ابراهيم نصر بتاع الكاميرا الخفية
((متيجوا نشوف))
دي اخت عضوة في المنتدى شافت اللي بيحصل في فلسطين والعراق ومصر وسوريا ولبنان و.........
فكتبت الاستغاثة دي...
ألحقونا الناموس أكلنا وجننا
----------------------------------------------------
هاي يا بنات ازيكم ((اه نسيت اقولكم انه منتدي حريمي )) احنا عندنا مشكله ختشييييييييييييييرة جدااا في البيت ((يا ساتر يا رب))وهي وجود الناموس بشكل فظيع لدرجه اننا مش بنعرف ننام والكلام ده محصلش غير اليومين دول يعني بقاله حولي اسبوعين واحنا خلاص هنتجنن مش عارفين ننام ولا عارف نعمل اي حاجه
((يا كبدي))اشترينا مبيدات ومفيش فايده ولا صاعق الناموس مقصر ((واخدين بالكم من مقصر دي))فيه وحتي الشبابيك والبلكونات قفلناها وبقينا عايشين في سجن
ورغم كده الناموس مالي البيت محناش عارفين بيدخل منين
((حد يناولني منديل انا هبربر من العياط))
اختي بتقول يمكن بيدخل من باب الشقه طيب ماهو مش معقول منفتحش باب الشقه كمان .
((حتي لوقفلتي باب الشقه ده ناموس غلوس بسنان ودروس اكيد عامل نسخة من المفتاح))
انا قلت ان مليش غير اخواتي في منتدي اكيد مش هيبخلوا علي بالنصيحه يا ريت يا بنات اللي عندها اي وصفه او نصيحه تقولهالي وانا والله هادعيلها ان ربنا يكرمها ويسعدها ويجمعها في الجنه مع أحبابها
((هتدخل الجنه عشان الناموس,عليا النعمة انتوا بنات رايقه ))
بليييييييييييز متنسونيش يا بنات وردوا علي ضروووووووووووووووووووووووووووووووووووووووووووووووو ووووووووووووووووري
=================================
ده كان عرض بسيط للمشكلة الخطيييييييييييييييييرة التي تعاني منها امتنا العربية في صراعها العربي الناموسي .
وندخل بئه علي اراء واقتراحات الاعضاء حول طرق حل هذه المشكلة وتفعيل سبل السلام في المنطقة..
=================================
-العضوة رقم واحد:
حاطة صورة دبدوب متعلق في ورده وعمال يطلع وينزل زي اليويو مش عارف ليه
هي اكيد ليها علاقة بالموضوع بس انا مش عارفها او يمكن الدبدوب المسكين بيتنطط من قرص الناموس.
المهم ده ردها ....
والله قلبى معاكى فعلا الناموس مشكله كبيره
لابد من ايجاد حلُُُُُ ُُ لها..بصى يباع الان مضرب صاعق للناموس
جربيه.....
((شوفوا تركيبة الجملة تدل علي ان الاخت دارسة لغة عربية بس كلمة بصي دي مش عارف جت منين هنا ))
===================================
-العضوة رقم اتنين:
الناموس مشكله المشلكه
((رغم اني من اكتر الناس اللي بتغلط في الكتابة خصوصا اثناء الشات مع اصدقائي _لكن كلمة المشلكه اللي الاخت دي كاتباها مش لاقيلها اي معنى-))
شوفي مواضيع الخاصه بالتنظيف والحشرات اللي في المنتدي
((معقول كده برضه تقول الحشرات اللي في المنتدي والله عيب ))
وان شاء الله تلاقي حل
================================
طبعا اختنا صاحبة الناموس اقصد صاحبة الموضوع دي طبعا صاحبة الليلة ولازم ترد علي الناس اللي تعبوا نفسهم معاها
فكتبت الكلام ده..
ميرسي يا ريماز علي ردك ويا رب يكرمك ويجعله في ميزان حساناتك
((والله ميزان الحسنات ده مظلوم معانا))
بس احنا جربنا الصاعق نفسه اللي بيتحط في لكهرباء ويجذب الناموس ويقتله لكن مفيش فايده لا جذب الناموس ولا قتله والمبيدات مقصرتش ((تاني مقصرتش أكيد هي تقصد مقصرتش عمر الناموس))فيه حتي ماما امبارح جابت اقراص كيتو وهي عباره عن جهاز يتحطله اقراص والمفروض انه يبعد الناموس لكنه مأثرش ((كده صح مأثرش ياختي بطة))والله احنا خلاص مش عارفين ننام ولا عارفين نتحرك في بيتنا
وحسين ((مين حسين ده؟)) وكأن الناموس احتل البيت واننا بقينا ضيوف ده احنا طول اليل بنحاول نحاربه ومفيش فايده والمصيبه ان اختي عندها امتحانات ويا عبني مبتعرفش تنام وبتصحي ميته من التعب ومش عارفه تركز في المذاكره يا ريت تلاقونا حل يا بنات
((يا اخوانا شوفوا حل بسرعه البت مستقبلها هيضيع))
=================================
-العضوةرقم تلاته:
كتبت تقول...
بصى حبيبتى انا بعانى من نفس المشكله
بس انا اتعلمت ايه قبل ما نيجى ننام بشويه ويكون خلاص لا حد داخل ولا خارج وحنقفل الشبابيك بجيب قرص او اتنين على حسب الناموس ((طبعا لازم يكون العشا علي حسب عدد المعازيم))
وبحرق القرص ده فى كل غرفه نص قرص بس
((بس يا ترى نص القرص ده يتحرق بعد الاكل ولا قبله))
تقفل كل غرفه عشان الناموس مش يهرب من هنا يدخل هنا وخلاص بس مش تحرقيه يعنى يبقى عامل زى عود البخور يتحرق بالراحه ((يا لئييييييييييييييييمه))
ويارب اكون افادتك
==================================
جت اختنا صاحبة الموضوع ردت عليها وقالت......
هاي حبيبه امها
ميرسي كتيييييييييييير علي ردك ربنا يكرمك يا رب ويجعله في ميزان حسناتك ((تااااااني))بس معلش انا عندي سؤال انتي تقصدي ايه بالاقراص؟
يعني اقراص ريد وكيتو وايزالو مش كده؟
((امال يعني تقصد اقراص الجِِِلة واللي مش عارف معنى كلمة جِلة يسألني عنها))
وتقصدي اني احرق ازاي زي البخور يعني بالجهاز بتاعهم ولا بأيه؟ معلش اسئلتي كتيره بس اصل احنا بجد بنعاااااااااااااااااااااني من الناموس وخلاص هنتجنن
((شوفوا المأساة وصلت لفين بنعااااااااااااااااااااااني))
===================================
جت اختنا حبيبة امها
ربنا يخليها لامها ردت عليها وقالت.....
اهلا انجيل
بصى حبيبتى الاقراص اللى هى كيتو وريد ايوه
وتحرقيهم ازاى انت عارفه السيجاره ((هنحشش بئه))بتبقى يبقى زيها يعنى شايط من غير نار يعنى ولعى فيه بالكبريت وبعدين اطفيه بس يبقى طالع منه شياط زى عود البخور
يارب اكون قدرت افهمك ((يا رب يا ختي يا رب))
ابقى اقوليلى
((طبعا"قصدها وابقي قابليني))
===================================
-العضوةا الرابعة:
ودي شكلها رومانسية وحالمة زينا كده كتبت وقالت.....
عزيزتي
جربي استعمال نبتة الحبق (تشبه النعناع) ضعي في كل نافذة اصيصا.
فهذه النبتة تطرد الناموس.
((بس والله فكرة حلوة عشان الناموس لوبطنه وجعاه ولا حاجة))
================================
-العضوة الخامسة:
صحيح زي ما قالت بنت الهضاب
سمعت مره انك اذا وضعت صحن فيه نعناع في الغرفه يذهب الناموس لانه يكره ريحته ((طبعا"هي تقصد ان الناموس بيكره ريحة الصحن))جربي حطي صحن فيه نعناع بالذات المديني او الحبق جنب السرير ريحته حلوه بالنسبه لك بس للناموس لا
*********************************************************
وكفاية كده انا مش قادر اكمل كتابة في الموضوع ده لان فيه شويه ناموس في الاوضة قارفين اهلي من الصبح ولازم اطفي النور خليهم يهمدوا شويه.
فوتكوا بعافية
صباح الخير هانى
ردحذفوحياتك يا هانى معظم المنتديات تلاقيها كلها
حوارات من النوع ده ويمكن يتكلموا يومين ثلاثة
على نفس الموضوع .....نعمل أيه لو فيه موضوع آخر يشغلهم ...كانوا اتكلموا فيه ....
يعطيك العافية هانى أنك صبرت وقرأت الحديث وتعليقاته كمان ...عندك صبر وطولة بال ...الله يعينك
هههههههههههههههههههههههههههه
ردحذفتعرف يا عم مدحت شلبى انت تعليقاتك هى لى تودى فداهيه
========
شر البليه ما يضحك الناموس فى كل مكان ومش رح يفل ولا يموت الا ازا حصلت معجزه وحدا منا اخترع الصاعق الاكبر ( ويخلق مالااتعلمون ) وهادا الاختراع الوحيد لى فيو يقضى عالناموس
====
اما بالنسبه للناموس لى بغرفتك انت هنوش استعملو ايزالو جالو ريحلو بالو وضيع كل الناموس
=======
ملحوظه اخيره
بطل لطش مواضيع من المنتديات بقى ههههههههههههههههه
تصدق دنا خلصت علبة مناديل من العياط على حالها ياعييني
ردحذفايه دا فين مجلس الامن
فين الانن المتحدة
فين اليونسكو يااخي
دا عدم احساس بالمسئولية
انا بطالب بوقف للمزهلة دي
وهنعمل مظاهرة نطالب فيها باعدام الناموس كله فى ميدان عام
ناموسة ناموسة
ههههههههههههههه
علشان يحرم
أزال المؤلف هذا التعليق.
ردحذفالعزيزة صاحبة الحضور الطاغي
ردحذفغفران
========
اشكرك من صميم القلب علي تشريفك لمدونتي
واتمنى ان تكون علي قدر مستواكي
تحياتي