قبل ايام ارسلت لي الفاضلة...
ماما فوفو وجدي .. هذه الرسالة علي بريدي الالكتروني.
اسعدتني كثيرا" تلك الرسالة ليس فقط لجمالها
ولكن لشعوري ان هناك من يفكر فيَََ.
تحياتي لكِِ امي الحبيبة .
واليكم رسالتها ....
==============
السلام عليكم
==================
هانى ...
هذه القصة والحوار قرأته وعجبنى
أرسله لك ...لو عجبك ممكن تضعه فى مدونتك ....لأنه قريب من موضوعاتك ........
======================================
بتلم ليه.. الهدمتين والطرحتين والشبشبين ؟؟؟!!!
ماتقوللي ياابني واخدني فين؟؟؟
( علي بيت جديد ) ؟؟؟؟؟!!!!!
مش عايزه ياابني بيت جديد...
البيت دهه أنا عشت فيه خمسين سنــــــــه
مااعرفش غيـــره أي بيت ؟؟؟
أنا جيت عروسه صغيره وقعدت فيه لمّا أتحنيت
أسأل بلاط الأرض ؟؟؟ وأسأل كـــــــل حيــط
مش عايزه غيره أي بيت ؟!!
أنا عشت يابني سنين هنا ..
وأتمني أموت برضك هنـــــا
علي فرشتي .. ومخدتي .. والبطانيه واللحاف
أفتح عينيه كل يوم .. وأقفل عينيه كل يوم
علي إيد أبوك بتضمني ف صورة الزفاف
بتدفي قلبي وتحضنه ف سنيـــــــ ـــن عجاف
وانا عارفه يابني ان أخدتني البيت الجديد
أنا رايحه أخاف .. وانا ياابني مش عاوزه أخاف !!!
ف الأوضه دي أنا لسّه عايشه ويّا أبوك
عمري اللي فـــــات !!!
أصل الحبايب لوسابوك .. بيعيشوا فيك بالذكريات
خليني ياابني ويّا أبوك أصحي وآبــات
وأعيش معاه باقي الساعات ...
واشم ريحته ف الحاجـــــ ــات
مين اللي قالك .. إنه مــــــــــــــــا ت؟!!
لسّّّه البدل جوّه الدولاب .. جنب السرير أخر كتاب
ولسّّه سجادة الصــــــلاه..
والسبحة فوقها منـــوّره
ولسّّّه بااسمع ضحكته وسط السكـــــــــــات !!!
أنا عايشه يابني ..
بحاجة أبوك متونســــــــه
وبدخلتك ويّا العيال متونّسه
وانا عارفه ياابني
ان خدتني البيت الجديد
رايحه أتنســي .. وانا ياابني مش عاوزه أتنسي ؟!!
فإن كنت محتاج الوســـــع
لاجل العيــــــــــال ؟؟؟
هات العيــــــــــا ل
انا عندي يابني سرير كبير
حاارقد علي حرف السريــــر
واسيب لهم باقي السرير
وان كنت محتاج السرير ؟؟؟
خد السريــــــــــــر!! !
إن شالله أنام فوق الحصير
لكن أنام وسط الأمـان !!!
خليني يابني ف وسطهم ..
قدّرني واحده منهــــم
باقي الزمان .. وماهوش كتير ؟؟؟
وحياتك أنت ؟!! ..ماهوش كتير
أنا مش حاعيش أدّ اللي عيشته
ولانفسي أعيش بعد اللي شفتــه!!!
كمّّل جميلك .. !!!
وأستر الباقي ف حياتي !!!
أناعمري يابني قصاد عينيك ..
فرّطت ف أمي أو حماتـي؟؟؟؟
إن كان علي ضيق المكان
ما أنا قلتلك خد السريـــر !!!
وإن كان علي ضيق المعيشه
أبوك سايبلي معاش كبيـــــــر
قسمته يابني من زمان ....النص ليك
و الربع مصروف العيــــــــال
والباقي مصروف الـــــدوا !!!
لكن خــلاص
ـــــــــ
وحياة عينيك ماعاد حايلزمني الدوا
خد المعاش .. ؟؟؟؟؟؟؟
كل المعـــــــــــــاش !!!!!!!!
لكن بــلاش ..
ترميني ف البيت الجديد
وأحس إن ربايتي فيك
راحت .. بــــــــــــــــــــلاش
أشكرك هانى
ردحذفعلى نشر الحدوتة ...وأتمنى فعلا انها تكون عجبتك
كما أعجبتنى ....
لك كل تحية وشكر
ماما فوفو وجدى
موضوع رائع فى اختياره ماما فوفو
ردحذفوميرسى لئلك هانى انك نشرت هادا الموضوع
رغم شده قسوه الموضوع و لكنه للعظه
شى مؤلم وللاسف صاير منتشر
الله يحنن قلب كل ابن عاص على والديه
اللهم اجعلنا طائعين بارين بوالدينا
========
جزاك الله خيرا هانى
و جزاكى اله كل الخير ماما فوفو
شاهى
ردحذفأشكرك جدا على قراءة الموضوع
ولكى منى أجمل تحية ابنتى
لا اله الا اله
ردحذفسبحان الله وبحمده سبحان الله العظيم
ربي احفظ لي والدي ولاتجعلني مقصرا بحقهم فأنت ارحم الراحمين
موضوع مؤلم والله
تقبلي مروري ماما فوفو