ايه يا هاني ؟؟؟؟؟؟

بدون مقدمات..الموضوع عن المقدمات..
وبالتحديد المقدمات الكلامية مش الكتابية..وعلى طريقة ابراهيم نصر..."ماتيجو نشوف.."


الموقف اللي بيتكرر معايا يوميا وخصوصا مع جيراني لما أقابل حد منهم الصبح وأنا نازل أو بالليل وأنا طالع..وكمان مع كل صحابي عموما..المنطقي أنه مثلا أول ما يشوفني يقوللي ازيك..أو ايه أخبارك..أحوالك..جبالك ترابك..أي حاجة..
لكن السؤال بيكون مبهم وغامض الى أبعد الحدود.."ايه يا هاني- مبتسما "..فلا أجد مفر من الرد بنفس السؤال عشان أخلي الكورة في ملعبه.."ايه يا بودي – مبتسما برضو-"..,أستنى الرد على سؤالي الصريح ولكن المفاجأة ان السؤالين دول بيكافئوا تماما تماما سلامو عليكو..عليكم السلام..وبكده بينتهي الموقف وكل عام وأنتم بخير


الحقيقة اني ما كنتش فاهم المعنى بتاع السؤال ده لحد ما خدنا في البلاغة في ثانوي حاجة اسمها الايجاز..وده مش معناه الغاز  زي ما انت متصور..انما معناه الانجاز في الكلام..والايجاز في سؤال ايه يا هاني ( مبتسما) هو ايجاز بالحذف وتقديره 
ما هي أخبارك يا هاني؟
أو كيف احواك أحوالك يا هاني؟
والمعنى في بطن” الشارع طبعا”


ولكن السؤال بشكله ده (ايه يا هاني) يعتبر في الحالة  المثالية..وبما ان مفيش حاجة مثالية في الدنيا السؤال بيتعرض لتحريف بسيط الى حد ما..ولكن التحريف ده بيدل على حاجات عظيمة جدا في الشعب المصري..
وتحديدا الشباب المصري
الناس الحقوده بيتهموا الشباب انه مش عارف تاريخ بلده..رغم ان لغة الشباب تعتبر تجسيدا لواقع مصر منذ ما قبل قيام ثورة يوليو 52 حتى قيام ثورة بيع وخصخص
وتعالو نشوف التاريخ واحدة واحدة :


العصر الملكي..عصر الترف والاقطاع وحياة الأمراء..وده بيظهر في السؤال بتاع (ايه يا برنس )..وساعات كمان بيزودوا كلمة للدلالة على حياة العربدة اللي كان عايشها الأمراء..(ايه يا برنس الليالي)..


جه بعد كده
 عصر عبد الناصر اللي كنا مظبطين فيه مع السوفيت عالآخر..والسوفيت بينادوا بعض باستخدام كلمة الرفيق..يعني مثلا الرفيق كوربوف أو الرفيق مولوتوف كده يعني..عندنا اتحرفت شوية عشان فرق اللكنة وفرق التوقيت وأصبح السؤال (ايه يا زميل) لاحظ..زميل مش زميلي(الزين عليها سكون)..وممكن يكون برضو في بعد بلاغي ويكون زميل هنا نكرة للتعظيم..والمعنى في(( وسط الشارع كالعادة ))

عصر السادات والانفتاح والرأسمالية والهامبرجر..ساعتها بيكون السؤال- لو اللي بيسأل من مؤيدي كامب ديفيد- (ايه يا مان! مبتسما و بيتنطط) وساعتها لو رديت عليه و قولتلو ايه يا زميل ممكن تحصل بينكوا حرب بارده..عشان كده بلاش الرد ده
احم احم..

أما العصر الحالي..فده هو عصر السلام..والحب..والرومانسية..تلاقي صاحبك من كتر حبه ليك يقولك (ايه يا حبي!)..وفي حته أمريكاني ظهرت مؤخرا (ايه يا حبيب هارتي) ..وده تفسيره معروف ان دايما الناس لما مشاكلها الاقتصادية بتتحل بيعم السلام الاجتماعي..مش كده وبس ده ساعتها الشعب بيتفرغ للعلم

برضو من مميزات العصر الحالي النهضة الفنية الرائعة..وده بينعكس على السؤال بتاعنا في كلمة (ايه يا نجم )..وتفسيرها بسيط..عشان انت لما تلاقي واحد زي سعد الصغير أو بعرور الخ الخ نجوم وفنانين..اكيد هتبقى شايف أي واحد في الشارع ييجي منه..وبالتالي صحابك كلهم هيبقو نجوم في نظرك

طب ممكن واحد يقوللي عادي..كل الكلام ده كان عن عصور حديثة ممكن أي حد يفتكرها مش لازم يكون جامد في التاريخ ولا حاجة..أقوللو سؤال كويس..رغم انه مش سؤال أساسا..وأقوللو برضو الشباب ردوا بقوة على الكلام ده..ومن أنهي عصر كمان..تخيل..
من العصر الجاهلي والعرب الأوائل..وتأمل السؤال ( ايه يابو هاني)..زي زمان العرب كانو بينادوا بعض ((يا أبا العتاهية))..يا ((أباالحكم))..يا ((أباتريكة ))

وبكده بيثبت الشباب ان لغتهم ممكن تتدرس مع حصص التاريخ..
أو علي الأقل يكون في امتحان شفوي في مادة التاريخ والمدرس يقول للطالب..تم بناء السد العالي في انهي عصر..يرد الطالب - لو كان مذاكر- في عصر السد العالي يا زميل..يقوم المدرس عشان يلخبطه يسأله..طب في أنهي عصر تم توقيع اتفاقية كامب ديفيد يا برنس؟
..يرد الطالب- لو كان ناصح – في عصر كامب ديفيد يا ماااااااان...
وهكذا دواليب
بس هنا وقبل منهي الموضوع ده اللي اكيد محدش فاهم منه حاجة في عندي سؤال
حد فاكر جملة من كلمتين هي ((  السلام عليكم ))
ودمتم

~*¤ô§ô¤*~ رسالتي الثانية اليكي يا رفيقة دربي ~*¤ô§ô¤*~

أرجوكي حبيبتي إسقيني غيثا من نهرك الجاري
أرجوكي لا تحرميني القرب منك,ولا تطيلي غيابا به النفس تشقى.
ارجوكي حبيبتي أطعميني من زاد عشقك الأبدي,وأشعلي في حنايا القلب عشقك من جديد

لا أريد أن أرتوي إلا منك .

لا أريد الأمان إلا منك .

اسكبيني عطرا" يعانقك كل حين وحين,

أو اجعليني كساعة في يدك لأراك في كل حين,
أو ضعيني كسلسلة علي صدرك لأسمع دقات قلبك.

ألم يبوح الليل لكي بالسر يوما ؟
ألم يقل لكي أن طفلك يعشقك بجنون ؟
ألم يهمس لكي البدر مساء ؟
ويردد علي مسامعك .أن لكي فتى يسكن تلك الديار ,أصابه الإعياء لفراقك..واجتاحه جيش الحزن لبعدك

أتعلمين ..أن صباحي معتم بدون طلة جبينك .
أتعلمين ..أن لن يطربني أحد سواك .
أتعلمين.. أني أكاد أمارس جنون الشعر,
وأتمرد علي قدرتي وأكتب قصيده
رجاءا" إبقي معي......

لأجل من سكب لكي الدمع مدرارا
لأجل من يشتاق لكي كل صباح ومساء
لأجل من يعشق طيفك في غيابك قبل حضورك
إبقي معي
أرجوكي إبقي وحطمي حواجز البعد

حوار بين كامل ابن حسن الغفير و بنت عبد الطبال

البنت: ياكامل يا حبيبي اللعب بالكورة بعيد عن بيتنا عشان مش عارفين ننام


كامل: اففف يا ختي ,عارفه ابويا بيقول انك هتفضلي ساكنة في البيت اللي جنبينا علي طول عشان ماحدش راضي يتجوزك


البنت: شوف يا كبد امك .. الحكاية ان جدك الله يرحمو .. ربنا رزقو بحمار .. اللي هوا ابوك ربنا ياخدو وفضل محتاس بيه .. محتاس بيه .. لحد ما لقاله معزة معفنة رضيت تاخده اللي هيا امك الله يحرقها .. قام رابط المعزة جنب الحمار وقال ان ما اتعلمت شهيقة تتعلم نهيقة


كامل: مش فاهم يعني اية يا ختي ؟؟ قصدك ان ابويا حمار ؟؟؟


البنت: اسماله عليك ... يا اختي بطة حلوة..أمسك يا حبيبي الجزرة دي حطها في طيييي.... احم احم
اقصد
 ودن الحماااااااار

صرت وحيدا"

وحدي الأن ارتشف الأنين من كأس القدر
وأطرز أحلامي بخيوط من ضوء القمر
وحدي الأن أبدو كقارئ الكف....
أسرق أفراحي خلسة من عيون البشر

وحدي الأن أبدو كناي  حزين
أفتش عن روحي في زكريات السنين
أصد هجوم الليل ..بجيش من الشك
وأبحث عن ضوء يبصرني لأرى اليقين

وحدي الأن
أجتاح قارات قلب الزمان
وأسمع هاتفا يقول....
ارجع
قد ضاع الأمان
قد ضاع الأمان

اصدق الرسائل الغراميه ((للكاتب كامل الشناوي))

 كتب الكاتب الكبير "كامل الشناوي" هذه رسالة..................
 الى المرأة التي جعل منها ملكة فجعلت منه أضحوكة وأخلص لها فخانته وأعطاها كل شيء فلم تعطه شيئا
جاء فيها :
لم يعد بيننا ما يغري بأن أخدعك او تخدعيني فقد خرجت من حياة نفسي لا تدهشي فالحياة التي أحياها اليوم لا يربطني بها الا ما يربط الناس بحياتهم من امل ويأس او راحة وعذاب ..انها حياة لا اتحرك فيها ولكن أتمدد كجثة وهي لا تضمني بين أحضانها ولكن تلفني كالكفن ..في استطاعتي الان فقط أن اصارحك بحقيقة قصتي معك لقد خدعتني وخدعتك ..خدعتني بكذبك الذكي وخدعتك بصدقي الغبي .. ظللت أتوهم أنك تحبينني فجريت وراءك بقلبي الأبلة ومشاعري الحمقاء وخلال تلك الفترة كنت انتزع من نفسي خلجاتها واقدمها لك
 في آهة دمعة ..
كلمة ..
قصيدة..
وقد دفعك ايمانك بصدق عاطفتي الى ان تمارسي حقوق حواء بقدرة وجدارة فغدرت بوفائي وضحكت من دموعي،
 وليس صحيحا أني أغار من أي انسان تعرفينه فالغيرة لا تكون الا ممن تحبينهم وقد عرفت بالتجربة انك لم تحبي الا ذاتا واحدة ولا استطيع أن أغار منها لأنها مختبئة في ثيابك..!

هي دي اخرة المشي مع البنات

       الجمعة بقا وقاعد فوق سطوح بتنا على الكرسي البلاستك الهلال والنجمة ولابس الجلابية الكستور الملوكي والشبشب ابوصباع والعز باين عليا قوم اية اسمع جرس التليفون

أمي : يااا هاااااااااانيييييييي  بنت عمك عايزاك عـ التليفون

انا   : وانا ايش عرفني انها بنت عمي ..ادتك امارة ؟؟

امي : انتا  هاتنزل  ترد عالبنت ولا اقفل السكة في وشها ؟

انا   : اقفلي...

       ولااقلك استني  لاحسن تطب علينا اناااا نااااازل

ريهام: الو بقلك يا هاني تعالالي 6اكتوبر ضروري..أصل الفستان الي هاروح بية فرح لبني باظ

انا  :    متروحيش الفرح احسن

ريهام :هاني ..هات شيماء وريهام وميادة وتعالولي حالا

 توالت التليفونات انقاذا للموقف واتفقنا نتقابل في ميدان لبنان و نروح كلنا بعربية واحدة .....واخدين المحور والفرحة مالية عنينا وداخلين على الحتة الديقة الي قسموها رايح وجاي عشان يقهرونا نفسيا وفضلنا واقفين فيها لحد  ما روحنا طلعت وافوجئء باية ؟؟؟؟؟؟؟؟؟؟؟؟؟

ظابط وامن وهيصة كبيرة مستنية العربية

الباشا: انزل وهات رخصك

انا    :  لية يا بية بس يعني كل الهيصة دي عشان رخصي ده كتير عليا كدة واللهي يا فندم وبعدين سعدتك انا رابط الحزام وماشي على 30 سعادتك وملوش لازمة الاهانه سعدتك داحنا بنحب مصر سعادتك

الباشا: احجز اللي  بيرد ده ينعل ابو ؟؟؟؟؟؟ يا ولاد ال ؟؟؟؟؟ وهات اللي معاه ..ابقي رد براحتك في القسم يا؟؟؟؟؟؟

         احم ربنا يسامحه

ميادة : هما واخدينا  على فين يا هاني

انا     : يعني ظباط ومجرجرينا من العربية تفتكري هيودونا فين!!الحديقة الدولية مثلا

ميادة : يا فندم مايصحش كدة.. ممكن نحل الموضوع بهدوء

         هنا بئه غوريلا في ايدها عصاية مسكتني وسحبتني لحد الباشا الظابط

الباشا :انتا جاي 6 أكتوبر لية يا روح خالتك؟

           ومين اللي قالك تيجي؟ .

           .رايح القرية الزكية ؟؟

انا   :   واللهي العظيم يا باشا انا ما رضيتش اروح القرية الفرعونية مع عيال الجيران وماليش فالخروج  نهائي  ...انا واللهي

            هاقول على كل حاجة ومش هاخبي اي حاجة ..

            هي  منها لله لبني انا قلتلها متتجوزش اليومين دول ....ما سمعتشي كلامي ....

           شوف يا بية ريهام كلمتني عشان الفستان الي عملتهولها ام عماد الخياطة طلع ضيق شوية وماسك من عندالوسط ....   

           انا قلتلها يا ريهام اللبسي الفستان كدة مسمعتش كلامي واشترت نص متر كريب جورجيت.. وصممت توسع الفستان

وقالت لمو عماد:

هتوسعيلي الفستان يعني هاتوسعيلي الفستان ..

رديت عليها امو عماد وقالتلها :

          انا مش فاضية وهاتستلموه كدة واضربو دمغاكو في الحيط .

          ساعتها بقا ام عماد كانت لسة مبيضة الشقة ..فريهام ملقتش حتة تضرب دمغها فيها ...وفنفس الوقت شيماء عاملة     فستانها عند ام عماد برضو..... قوم لما عرفت راحت شخطت في الولية ....

           قامت الولية اتخضت وطردتنا مالبيت ..

           .قمنا واخدين الفساتين وطلعنا على الترزي الرجالي الي في اخر الشارع وادنالة الكريب  جورجيت عشان يوسع الفستان

طلع التزري دة جوز ام عماد

                قام سألنا...... انتو مين اللي عملكو الفساتين دي ...

رديت علية شيماء وقالتلوة :

               الولية المجنونة اللي في  اول  الشارع ...سعتها بقا ريهام بصت لقيت صورة فرح الترزي على امو عماد متعلقه  في الصالة..

               أن أن أأأأأأأأأأأن

              راحت ماسكة الترزي مواقعاه عالارض ..وميادة كانت واكله سندوتش مؤمن

... قامت مرجعة علي الترزي... قام  الترزي مسك المقص وبوظ الفستان

               بس .. هي دي كل الحكاية سعادتك .. وأنا والله العظيم بريئ

الغوريلا : يا باشا مش دي العربية المطلوبة دي عربية بنفس مواصفات العربية اللي عايزينها

            بدور وشي لقيت العساكر موقفين عربية نفس نوع عربيتنا ونفس اللون    وارقمها قريبة جدا بس راكب فيها شباب فافي

الغوريلا : هيا دي العربية المطلوبة والارقام مطابقة

انا        : هما دول العيال اللي حضراتكم كنتم مستنينهم

الغوريلا : ايوه امشو انتو خلاص كدة

انا         : خلاص اية يا باشا!!!

          دانا دمي نشف وركبي سابت سيادتك كمل مج النسكافية بتاعك وسبلي ولاد الهرمة دول..

          تركبو عربية زي عربيتنا لية يا ولاد ال ؟؟؟؟؟؟

          مش كفاية الفستان طلع ديق عالبت

          حسبي الله ونعم الوكيل

حوار بيني وستي

ده حوار دار بيني وبين ستي

          

ده طبعا حوار  خيالي احسن حد يفهم غلط ((ماشي)) 
انا= واحد قريبنا يا ستي طلع نصاب ورافع قضية عايز مننا فلوس
ستي : مين ده اللهي يتقلب كلبة بلدي وكلاب السكك تجري وراه
اللهي يقعد في الحمام ويتشل ماطرح ماهو قاعد ويفضل يعملها لحد ما يغرق فيها
اللهي بيتهم يقع وهوا بيستحما والمخاليق كلها تتفرج عليه اللهي يتسخط قرد جربان وطي؟؟؟... خضرا ولا يلاقي قرداتي ياخده ... هو عايز مننا كام اللي يتشك في مصارينه ده
انا: عايز عشرين الف جنية يا ستي
ستي :ادفعلو يا بني وريح  نفسك من الارف وبهدلة المحاكم
انا:منين بس ما انت عارفة البير مش لاقين غطاه
ستي: امسك يا د  آدي ستاشر جنية اهم وانا مخبية في النملية قدهم هجبهملك وعمتك شاحتة مني تلاتين جنية فلوس قسط الغسالة والواد عبد الحميد هايجيب خمسين جنية بقيت الجمعية وزينب شايلة معايا عشرة جنيه بتوع كرت الشحن وامك مدكنة خمستاشر جنية في البك اللي في التسريحة واربعين تحت مرتية السرير وام احمد جارتنا خدت معاش جوزها وممكن تدينا قول تمنتاشر جنية يبقا كدا فاضل كاااااااام ؟؟؟
انا: مفضلش حاجة يا ستي ربنا يخليكي لينا....
ستي: استنا يا منيل بعد ما تدفع الفلوس تجيبلي بالباقي بئسماط وقراقيش وشوية لب سوبر
انا:طيب يا ستي انا هروح اسلم نفسي للبوليس احسن
%%%%%%%%%%%%%%%%%%%%%%%%
تحياتي
هاني

أنا إندي هاكات هيلوا ((انا عندي حاجات حلوة))

مرة واحده ست خبطت على باب بيتنا وكانت شايله شنطه على ضهرها اد حجمها اربع مرات.....

انا قلت دي ماما نويل وجايبالي لعب وحجات ..

فتحت الباب بسرعه ورحبت بيها رغم اني كنت شايفها بصعوبه لانها قصيرة اوي

ست ترانزيستور يعني ......لاحظت كمان انها من دول أسيا ....عرفت من عينيها ....حاكم انا افهمها وهي طايره
فقلت ويلكم... ويلكم... حضرتك عايزا مين
قالت "إندي هاجات هيلوه"
رديت وقلت :يا بختك وجبتيها منين؟
قالت من صين بفلوس حبه صغيرين
يا دي النيله دي طلعت عايزه فلوس
لا يا ستي شكرا... انا كمان عايز فلوس حبه صغيرين او اي حبه والسلام
ردت بأصرار غريب :طب هاتي ماما
لا ابوس ايدك كلو الا ماما دي الحاجه الوحيده الي حيلتي ومقدرش اديهالك
زعقت وقالت :هاتي ماماااااا
صراحه انا خفت أصل الجماعه بتوع أسيا دول بيكلو اي حاجه وفي اي وقت يعني معندهمش ياما ارحميني جريت على أمي وبصوت عالي قلت :

يا اماااااااا الحقي في ست من الصين علباب ......

امي ست طيبه وعلى نيتها اول ما شفتها قالت ...........

يا حليله دي أوشين "فاكرين مسلسل اوشين اللي كله نكد"
الست .."إندي هاجات هلوه"
ردت أمي بمنتهى الطيبه: وبتكلم عربي كمان.... انتي تايهه يا اختي ولا ايه
قالت تاني بأصرار "عندي هجات هلوه"
أمي سالتها عندك ايه ؟
بسرعه فتحت الشنطه الي على ضهرها وطلعت منها ستين حاجه ..فكرتني بالعلبه الي فيها فيل

الشنطه كانت مليانه مفارش وبجامات وشباشب وشربات وغيارات المهم ان أمي عجبها شبشب
فسألتها بكام ده يا أوشين
ردت وقالت "خماشر بس"
أمي سمعت كده وراحت مقلعانا شباشبنا ولمتهلها كلها
وقالتلها ياله خديهم الواحد بخمسه بس

و انا إندي هاجات هلوه

وبسسسسسسسسسسسس

********

تحياتي

هاني

افراحنا وافراح الناس التانيين

في صالون الحلاقة ملطوع مستني دوري

ووقعت عيني على مجلة مصريه اجتماعية صارخة خليعة مثيرة ماجنة كافرة فاسقة فاسدة تدعى فلاش

احسن تفتكرو اني اتلحست في نافوخي وكعيت عشرين جنيه في مجلة زي دي ...

كل المجله عبارة عن الأتي في حفل عائلي بهيج
احتفل معالي الوزير فلان الفلاني علي زفاف نجله إلي نجلة رجل الإعمال المعروف ترتان الترتاني
وأقيم الحفل في فندق مية نجمة وقمرين وامتد الحفل إلي الساعات الأولي من الصباح الباكر

واحيى الحفل نخبة من نجوم الفن –

دينا وعمرو دياب وهشام عباس وشاكيرا

وارتدت العروس فستان زفاف صمم خصيصا لها من مصمم أزياء فرنسي مشهور

تمنه حوالي فخشوميت ألف دولار واشرف على ماكياج العروس وتسريحة الشعر مصمم الشعر الايطالي واشرف على تصميم قاعة الحفل فريق عالمي متخصص وقد ملأت الزهور النادرة قاعة الحفل وتم نقل البوفيه بالطائرة من فندق الريتز بباريس مباشرة إلي قاعة الحفل ثم سافر العروسان لقضاء شهر العسل في افخم فنادق أوروبا وامريكا ..

الناس دي مش من هناا ولا اية ؟؟؟
طيب إحنا كشعب لما نعوذ نعمل مجلة اجتماعية نكتب فيها عن أفراحنا كأغلبية !! نكتب نقول فيها اية

في حفل عائلي بهيج برضوه
احتفل ابن خالة جوز اخت جار عسكري مرور ارض اللوا بزفاف ابن مراته على كريمة الحج شفيق صاحب كشك السجاير المعروف
واقيم الحفل في نادي شباب عزبة ابو تفة

وأحيا الحفل نخبة من الموهوبين والعجزة وكبار السن – شفيقة الدلالة وأبوعادل العربجي وعبد النعيم بتاع الكرشة

وقد ارتدت العروس فستان اخضر عشان ملقتش فستان ابيض عند محل الإيجار ثم تم توزيع سندوتشات جبنه بقوطة وجبنه بخيار وجبنه من غير قوطة وجبنه من غير خيار وأرواح ومشابك غسيل ثم أستقل العروسان مترو الإنفاق لقضاء شهر العسل عند خالت العروسة في شبرا----------------------

ده على افتراض اننا لاقيين نتجوز ومعانا قرشين بنعرف نعمل بيهم أفراح

ومنجليكمش في حاجة وحشه

$$$$$$$$

تحياتي

هاني

تهنئه للأخت شوهندا الشامي

الف الف الف مليون مبروك للاخت العزيزة شوهندا الشامي

تهنئه من القلب علي نجاحها وتفوقها العلمي

فقد استطاعت بالصبر والجد الإجتهاد

ان تحصد اعلي الدرجات

مبروووووووووك

مبروووووك

مبروك

ضحكاتي قبل موتي

بالأمس حدث لي موقف دمر كل شي امامي قتل كل احلامي وكل الناس حولي شعرت انهم وحوش

فما استطعت ان اشكي إليهم..

ولا شعورا يا كتبت تلك الكلمات...

لست ادري إن كانت ستلامس قلوبكم الطاهره؟؟

اتدركون احبتي ..

لآن ادركت معنى الابتسامة ما قبل الموت... ادركت معنى انكسار الذات ... الذي كنت اظن حروفها مجرد بلاغة لغوية....

حزني يخنقني وشعوري يغتال احلامي ..لساني يتمتم حروف لا افهمها.....ويداي تخط كلمات لا استوعب معانيها..ألمي يتسل إلى جسدي...يقبل يداي يتوسل إلي

ان إرحم نفسك ايها البائع....

أانا باااائع؟؟؟؟؟؟؟؟؟؟؟؟؟

نعم بائع.. ولكن لم ابيع شيئا قد اشتريته

بل بعت نفسي لاجل كل شيء اشتريته ..بعت احلامي وذاتي ..بعت افكاري ..وغيرت

مبادئي ..قتلت زهوري بيدي ..اهديت شموعي للظلام

آآآآآآآآآه يا نفسي آآآآآآآه يا قلبي

اشعر بدموعي تلامس كل جسدي اسمع صراخ قلبي وانينه يداي ترتجف واصابعي تنزف دما .. ومع ذلك اصر على الكتابة لن استطيع ان اشكو إلى احد لا احد يستوعب معاناتي ضاقت الدنيا علي احبتي ولم اجد لي مكانا سوى بين الاوراق

اتعلمون....عجزت عن الكتابة .. فكسرت احلامي البريئة وصنعت منها اقلاما وحروف علني استطيع ان اخفف هم قلبي .. وارسم بسمة على جرحي ولكن وللاسف ايضا عجزت ماتت فرحتي ايها البشر ومات كل شيئ ماتت احاسيسي البريئة ماتت احلام طفولتي

والان سؤال يحوم امام عيوني...

لماذا رغم ذلك ابتسم واضحك؟؟؟

هل يا ترى هذه ضحكاتي ما قبل موتي؟؟

هل يجب ان ارفع صوت ضحكتي كي لا اسمع صوت ألمي وصراخي؟؟؟

إلى متى سيغتالني ألمي وانا صاااامت ؟؟؟؟

##################

تحياتي

هاني

رسالتي الي رفيق دربي

هذي رسالتي
مشاعرك نحوي قد بانت خوافيهــا
ودموع حزني سالت في مآقيهـــــا
وبدا لي قبح وجهي حين رأي كذبك
فلا تزده بطول الكذب تشويهـــــــــا
من جفاك أرض قلبي هامـــــــــــدة
قد خيم الصمت في شتى نواحيهـــا
جميع اشجارها الخضر قد يبســـــت
والسيل ما عاد يجري في بطن واديها
حتى العصافير....
حتى العصافير قد امست تشتكي أرقا"
ولم تُسمِع الناس شيئا"من اغانيها
اليك يا من كنت رفيق الدرب أسئلتي
اجب عن كل معنى من معانيهـــــــــا
- رسالتي امام عينيك ذابلة .
فهل بنظرة صدق منك تحييها ؟
- ونار كذبك في قلبي قد اشتعلت .
فمتى اراك بماء الصدق تطفيها ؟
- وقصة حبي بالصدق قد بدأت .
فكيف بالكذب والخداع تنهيها ؟
وفي نهاية كلماتي إليك امنيتي.....
فاخلع قناع الزيف واقرأ ما دونته فيها
هذي كلماتي إجتهدت انا اجعلها مرتبة
فبصوتك العذب ارجو ان تغنيها

طفل انا

طفل أنا

عندما كنت طفلا كنت احلم ان اكبر

وعندما كبرت تمنيت ان اعود طفلا صغير

وامنيتي لا تحقق الا عندما اكون معكي

فحينها طفل انا...

حينما اتحدث امامك

طفل انا...

حينما اخجل منك

طفل انا...

حينما يداعبني خيالك

طفل انا ...

حينما يداخلني الحياء تجاهك

طفل انا...

حينما انتقي الكلمات لاقدمها لكي

طفل انا...

حينما اتارجح تحت ظلال حبك

طفل انا...حينما ابكي لبعدك

طفل انا...حينما ابتسم لقدومك

طفل انا...

بريئ...

حينما احببتك

لاني احبك فإني راحل

سارحل عنك

احبك ولكني قررت الرحيل

فحبك اصبح شيئا من المستحيل

احبك ولكني قررت الرحيل

فاترك الذكريات تمحو

هذا الحب الجميل

فيا عطر الحياة

ويا اعظم شيئا كنت اتمناه

ويا من كنت احلم يوما بلقياه

احبك ولكني قررت الرحيل

اليوم آمر شمس حبك بالغياب

ونورقمرك بالذهاب

وان تتركني دون كلمة حب

او كلمة عتاب

فاسمحلي ان انصرف دون

ان تدفني تحت التراب

فاعفوا عني فأنا

لن اتحمل هذا العقاب

أشد العقاب هو أن يكون

حبك وهم سراب

و نغلق من بعده كل الأبواب

فأنا أحبك ولكني قررت الرحيل

فقد آن لثورة شوقي أن تهدأ

و حرارة حنيني أن تطفأ

وجفون عيني الساهرة أن تنام

و تكون هذه معجزة

من احدى المعجزات العظام

نعم

قلت لك أني أحبك

فما أعجز من هذا كلام

فعلا أحبك ولكني قررتالرحيل

يا حبا لم يظهر ابدا للنور

يا أجمل وهما آن له أن يثور

أحبك ولكني قررت الرحيل

أحبك

ولكني عند غروب الشمس

سأرحل في الأفق البعيد

تعبت فما عدت أطيق

لعبة الأسياد والعبيد

أعطيتك حبي وحناني

وما زلت تطالبني بالمزيد

أنا لا أطيق هذا فحبك

أصبح سم في الوريد

أحبك..

ولكني أريد أن أرحل للافق البعيد

أن أبقى مع أحزاني هناك وحيد

فهذا كل ماأريد

لعلنا نتقابل يوما ما من جديد

لأقول لك ما زلت أحبك

ولكني كنت قد قررت

الرحيل

تحياتي

الاسمر الحالم